Ayətullah Sistaninin başsağlığı mesajı

Bağışlayan və mehriban Allahın adı ilə

(Həqiqətən, biz Allaha məxsusuq və yalnız ona tərəf qayıdacağıq.)

Dərin kədər hissi ilə İran İslam Respublikasının Ali Rəhbəri, Həzrət Ayətullah cənab Xameneinin (Allahın rəhməti onun üzərinə olsun) şəhadətini şərəfli İran xalqına və bütün dünya müsəlmanlarına başsağlığı verirəm.

O böyük şəxsiyyətin uca məqamı və uzun illər boyu İran İslam Respublikasının idarəçiliyində oynadığı misilsiz rolu hamıya aydındır.

Şübhəsiz ki, düşmənlər onun şəhadətə yetirilməsi və ölkəyə qarşı genişmiqyaslı hərbi təcavüz vasitəsilə əziz İrana zərbə vurmaq niyyətindədirlər. Bu ərazi və bu yurdun böyük xalqından gözlənilir ki, bu çətin və həssas şəraitdə milli birlik və həmrəyliyi qoruyaraq təcavüzkarların çirkin məqsədlərinə çatmasına imkan verməsinlər.

Uca Allahdan həmin səadətli mərhum şəxs üçün dərəcələrin ucalığını və İlahi razılığı, bütün yas içində olanlara isə gözəl səbir və böyük mükafat diləyirəm.

Və la həvlə və la qüvvətə illa billahil-əliyyil-əzim.

1447 h.q. ilinin Mübarək Ramazan ayının on biri

Əli Hüseyni Sistani